صراخ على الهامش

السيرة الذاتية احمد حمدى طالب بجامعة القاهرة , ومهوش عارف طالب ايه ؟ ! حيران مجنون , أل ايه ؟ أمنيته الوصول !! ولقيه يعرف هو جاى ليه ؟ يعرف كل شئ حواليه ! ولما فشل حط ونط وبص كتير , لقى نفسه , من غير تفسير , من غير تبرير وسمعهم بيقولوا عليه فاشل مجنون! طب يعمل ايه؟ يتواصل ويحقق ذاته , لكن يا خسارة مش بوصول قالك ياخد الفن لسان ولا يعرف شئ ع الفن غير انه تواصل بين انسان وانسان لمعانى مش قادر يشلها كلام وحيد حتى كلامى ملوش معانى فى دنيا مش دنيتى عايش بقلب وحيد ولا حد يوم مد لى ايد ولا حد يوم حس انى وحيد عشرين سنه عشرين سنه زهقت انا عمال احب فى قلوب قاسية تستاهل حبى لكن ناسيه حلاوة روح حلاوة روح كل اللى باقوله حلاوة روح صوت منبوح قلب مجروح احساس بالخنق ف طول الوقت اوقات باسأل نفسى حقيقى عايش انا ولا فى الموت ؟ الموت ايه غير حبه عجز حبه صمت حبه جهل ايوه انا جاهل صامت عاجز عايز اعرف جاى منين ؟ او رايح فين ؟ مش هتنازل انى اكون صرخة تدوى فى قلب الكون آه يا زمان آه فيك الصراخ مهوش دوا فيك الصراخ زى النباح كلاب ...بشر اصرخ او ما تص...